للأسف الشديد …… * لما تلاقى حزب سياسى ( مستقبل وطن ) يندمج مع جمعيه اهليه رغم ان للاحزاب قانون مستقل وللجمعيات الاهليه قانون اخر مستقل منصوص فيه صراحة انه يحظر على الجمعيات الاهليه ممارسة العمل السياسى ، يبقى انت امام سمك لبن تمر هندى . * لما تلاقى اعضاء مجلس النواب يهرلون للانضمام الى حزب سياسى اخر غير حزبهم اللى اترشحوا فيه للانتخابات البرلمانيه الحاليه غير فاهمين جزاء ذلك وهو اسقاط عضويتهم من المجلس ، تبقى انت امام سمك لبن تمر هندى . * لما تلاقى مؤتمر فى قاعة احد الاحزاب يجمع عدد من النشطاء السياسيين ويطالب بتفعيل الماده الخامسه من الدستور والتى تنص على ان النظام السياسى يقوم على التعدديه السياسيه والتعدديه الحزبيه ثم يطالب المؤتمر بدمج الاحزاب السياسيه مع تشكيل لجنه للوساطه بين الاحزاب والحكومه دون مراعاه ان هناك لجنه تختص بشئون الاحزاب اسمها ( لجنة الاحزاب السياسيه ) منصوص عليها فى الدستور وقانون الاحزاب مشكله من عدد ( 7 ) مستشارين من محكمة النقض ومجلس الدوله والاستئناف العالى ، تبقى انت فعلا امام سمك لبن تمر هندى . ( ولسه القادم احلى واحلى واحلى )
