قال الرئيس عبدالفتاح السيسي، إن أعمال التطوير مستمرة في جميع قطاعات الدولة، متابعًا:”إحنا بنشتغل بدون ضوضاء”.
وأضاف الرئيس السيسي خلال حفل تخريج دفعة جديدة من أكاديمية الشرطة بالتجمع الخامس، الاثنين:”اسمحوا لي أتوقف في نقطة مهمة، إوعوا تتصوروا إن فيه قطاع من قطاعات الدولة مش بنقوم على تطويره، إحنا بنشتغل بدون ضوضاء، عملية التطوير مستمرة لا تنتهي بفترة زمنية لأن الدنيا بتتغير، فده بيتعمل ويتنفذ في كل قطاعات الدولة، بس بيتعمل بشكل هادي”.
وتابع:”الدولة بتتحرك لتطوير قدراتها من غير ضوضاء، واجبكم خلي بالكم منه، وأمن وأمان مصر أمانة في رقابتكم، ألف مبروك واحرصوا على العمل الطيب والأداء المتميز”.
وأوضح:”الأمور الحمد لله اتحسنت كتير، كل التهديدات والإرهاب، الحمد لله بفضل الله وأبناء مصر وكل قطاعات الدولة، الحمد لله احنا في مكان كويس أوي، مطلوب مننا نعمل أكثر من كده عشان نقدم وفاء لهذه الدماء”.
