الحكاية مش حكاية دم
دى الحكاية و الله كبيرة
المسيحى عنده الأهم
حياته الأبدية الأخيرة
مهما شاف فى حياته
ظلم و ضيق و قيود
اهم شيء نهاياته
اللى بيها موعود
وعد الإنجيل عمال يتحقق
اضطهاد و دم و موت
يالى انت مش مصدق
الدم قالها بعلو الصوت
ده واقع مش مسرحية
ولا شطرة كتبها شاعر
كل يوم مسيحي ضحية
أتفرج على عينك يا تاجر
المسيحى أتحمل بزيادة
ولا عدش خلاص متحمل
يا أهل الفتن المتقادة
المسيحى للآخر مكمل
مهما تدبحه و تموته
عادى يموت قتيل
مؤمن أن دى سكته
زى ما قال الإنجيل
مذكور عنده فى الكتاب
هيعيش فى اضطهاد و ضيق
لا بيفرق معاه إرهاب
ولا حتى اى شئ
يا أهل الجنازير و السيف
يا اهل التكفير و التهجير
المسيحى مش ضعيف
ده برضو معاه رب كبير
مهما كنت فى المسيحى خانق
او حاطط على رقبته سيفك
ربنا أقوى من اى مشانق
قادر بكلمة منه يكسر مجاديفك
يا عالم عايشة مستقوية
ارحموا الناس الضعاف
أيدين ربنا تملى قوية
قوة ملهاش ابدا أضعاف
