بمناسبة استشهاد القمص سمعان شحاتة على يد متطرف ارهابى
يا إرهابي
هو شيطانك ماله يا عم
متعطش ليه دايما للدم
مالي قلبك قبل عنيك
خلاك حافظ تعاليمه صم
كل دا كره ؟ وحقد وغل
ماسك سنجه بإيد تتشل
وسبحان الله عل سمعناه
قال بيقولوا إنك مختل!!!
محدش قالك دا حرام؟
وقتل الروح ده إجرام؟
ياللي بينك وبين الشر
حب وعشق ويا غرام
انت كده راضيت إبليس
إياك مفكر يا خسيس ؟
هتروح جنه أو تتهنى
ولو إغتلت ميت قسيس
بقلم/ناجح فرج …avocat
