تحدثت المخرجة إيناس الدغيدي بصراحتها المعهودة عن الكثير من الأمور الفنية والشخصية خلال استضافتها في برنامج “الفصول الأربعة”، وعلّقت على العديد من الأمور الشائكة.
وجود الجنة والنار.
قالت إيناس الدغيدي: “بيقولوا لنا في جنة ونار، أنا بقول ده تخويف بيرهبوك، لكن لا يمكن ربنا يكون قاسي كده، لما تسمع النار هيعملوا فيك إيه وإيه”.
وأضافت إيناس الدغيدي: “أنا بقول إحنا جزء من الكون ده، وعلى فكرة إحنا كبشر مديين نفسنا أهمية كبيرة أوي”.
وتابعت: “سبحان الله مش قاعد لنا كل واحد بيعمل إيه، مش ممكن هو مش فاضي لنا، والموضوع أكبر من كده بكتير”.
بيوت الدعارة
تحدثت المخرجة إيناس الدغيدي عن تصريحاتها السابقة والتي كثيرا ما تهاجم عليها، ومنها تصريح عن ترخيص بيوت الدعارة
وقالت إيناس الدغيدي في لقاء ببرنامج “الفصول الأربعة: “بيوت الدعارة كانت موجودة في العالم كله وكانت موجودة في مصر قبل الثورة، وترخيص بيوت الدعارة ملهاش علاقة بالدين أنا مقولتش لازم أنا بقول فيها حماية للمجتمع واللي بيشتغل فيها، لما بتقنن أي حاجة أن بتحط له قوانين وأسس، الدعارة مهنة موجودة في العالم كله من زمان أوي ولما بتحصرها وتحددها وتحط فيها قوانين والتزامات وعلاجات وصحة أنت بالعكس بتحميها بدل ما هي متسابه كده”.
وتابعت إيناس الدغيدي: “ترخيص بيوت الدعارة بيحد من انتشار مرض الإيدز ومن العنف، لو واحدة بتشتغل كده لحسابها وحد قتلها مش هتعرف لكن لو بتشتغل في مكان هيبقى معروف مين عمل كده، لكن دلوقتي عمارة تلاقي فيها بيت بيدار للدعارة”.
وأضافت إيناس الدغيدي: “متحجروش علينا التفكير هو اللي يفكر يبقى كافر؟ اللي يناقش يبقى كافر، في علم وتطور وفي حاجات كتير أوي حصلت في الدنيا.
المساكنة
قالت المخرجة إيناس الدغيدي٫ إن المجتمع المصري تقبل إلى حد ما فكرة المساكنة قبل الزواج٫ معقبه: العالم اتفتح”.
وأضافت خلال تصريحات تلفزيونية: “أنا كنت عايشة مع واحد وأمي وأخواتي كانوا عارفين وكانت مشكلته في الديانة فقط”٫ متابعة: ممارسة المساكنة حلال قبل الزواج، وذلك في حالة موافقة الطرفين والزواج في الإسلام له ثلاثة شروط القبول ثم العرض ثم الإشهار، وناقشت ذلك في فيلم “مذكرات مراهقة”.
واسترسلت المخرجة إيناس الدغيدي٫: قديمًا كانت الناس تتزوج عن طريق الموافقة ثم كان ينادي أحد الأشخاص في جميع الأماكن قائلًا:”فلان تزوج فلانة”.
