كتبت هايدي غبريال عبر صفحتها كلمات يدمي لها القلوب حيث قالت هو انتوا ليه فاكرين ان انا خايفة من المرض؟!!
ليه كل لما اكتب آية، تفتكروا انى بأشتكى من المرض الخبيث؟!!
المرض برغم قساوته ارحم بكتير من الكارثة اللى انا فيها
بس بيقولوا لى اخرسى!!
لكن القلق مش مخليني قادرة اخرس اكتر من كده..
فى يوم شفت ڤيديو كله ضرب و حدف طوب و كراسى
وطلع واحد بيقول انهم عملوا كده اول لما شافوا صورة العذراء، و قعد يتوجع ويحكى نتائج الضرب..
انتظرت لما أتأكد من الخبر ومواقع كبيرة و آلافات نشروا الخبر، و فيه منهم من كتر القلق شتموا
لكن انا عادتى انى مش بأشتم
و اضطررت انشر لانى كنت خايفة يبقى فيه ضحايا
ما هو مش كل مرة ننتظر بعد ما المصيبة تحصل ..
نشرت بمنتهى الاحترام والادب برغم قساوة الڤيديو
المهم، انهم تركوا كل اولئك
ومسكوا فى المريضة اللى هى انا، و مرمطونى ولم يرحمونى فى مرضى !!!
ظلم ظلم ظلم
ماكنتش بأصدق
لكن كل شىء اتلخبط ف حياتى
والكنيسة كلها واقفة تتفرج علىّ
مش عارفة منتظرين ايه تانى؟!!
نشرت علشان احميهم، ولم يحمينى احد !!
انا بأموت كل لحظة ومش قادرة اقاوم المرض بسبب الذعر اللى سببوه لىّ.
قريبا جدا سأقف بين يدى الله، و أشكو له جميع الذين اضطهدونى وظلمونى وتركونى فى آلامى.
و هأقوله على اللى حاولوا يخففوا عنى مرار الايام، برغم انهم ناس عاديين، لكن ربنا يباركهم.. بأشكرهم من قلبى.
